يوميات مديريتور (MoDeRaToR) - الحلقة السادسة

** يوميات موديريتور **
MoDeRaToR
-------------------

[ندعوك للتسجيل في المنتدى أو التعريف بنفسك لمعاينة هذه الصورة]


الحلقة الثالثة
(3)
"خبر غير عادي"
----------


شخصيات الحلقة :

سفير الغرام ----> الأدمن
مصطفى حمدي ----> نائب المدير (المدير التطويري)
فارس الأحلام ----> المراقب العام
توتا ----> مشرفة
دودو ----> مشرفة
نايس جيرل ----> مشرفة
بيزي بوي ----> عضو
منمونة ----> عضوة
نايس ----> عضو
ايمي ----> عضوة
مودي ----> عضو
نونااا ----> عضوة
--------------------------




الادمن: أنا كنت عايز أناقش معاكم فكرة كده

فارس الأحلام : خير اللهم اجعله خير

الادمن : هى قواعد الكتابة فى المنتدى حاليا كام صفحة ؟!!!

مصطفى : 25 صفحة تحتوى على 3000 بند

الادمن : مبقاش الا انت وتتكلم

مصطفى : يا فندم انا مديريتور برضه وليا احترامى ياعنى ميصحش تكلمنى كده قدام الاعضاء

الادمن : طيب طيب خلاص بطل رغى شويه
أنا عايزكم تخلوها 100 صفحة تحتوى على ما لا يقل عن 50000 بند
لو عرفتم تخلوها أكتر من كده يبقى أحسن

فارس الأحلام : مش كتير كده يا كبير .. ده اللى مسجل جديد على ما يقراها تكون سنانه وقعت

بيزي بوي : ما هوه ده المطلوب .. مش عايزين حد يقراها .. وصلت الفكرة يا بودي

مصطفى : فكرة بمليون جنيه .. الكبير كبير صحيح

الادمن : يابنى انت جاى هنا تبع مين ما تمشوا الواد ده من هنا

مصطفى : اللى انت شايفه يا فندم بس وربنا انا مديريتور محترم ومينفعش حد يتكلم معايا بالطريقه دى

توتا : اعد ساكت حبه بقى يا مصطفى
ما تفهمونا إيه العبارة ياخوانا ..

بيزي بوي : يعنى اللى هيسجل جديد لازم يوقع إنه قرا قواعد الكتابة فى المنتدى ووافق عليها .. تمام

توتا : تمام

بيزي بوي : طبعا لما يلاقى 100 صفحة تحتوى على خمسين ألف بند هيروح موقع من غير ما يقرا حاجة .. تمام

توتا : اه كدة قشطة اوي

فارس الأحلام : وليه كل ده ؟!!!
ما أى حد يكتب حاجة ما تعجبناش نروح لازقينه إنذار
ونقول له إجرى يلا روح إقرا قواعد المنتدى قبل ما تكتب داهية فيك وفى أيامك السوده

بيزي بوي : طب إفرض عضو غتيت ورخم قرا القواعد كلها قبل ما يوقع

مصطفى : هيموت مخنوق وهوا بيقراها ان شاء الله
من لم يمت بالسيف مات بغيره ..
مين يعادينا .. ها ها ها

الادمن (متنرفزااا) : يا جماعه مشوا الواد ده من هنا وهاتولى دوا الضغط والسكر من سكشن طبيب الأصدقاء

فارس الأحلام لـ بيزي بوي : نبه على كل المديريتورز وكل زمايلك المقربين فقط
إن فى إجتماع هام الساعة 3 فى قسم المديريتورز
بس خللي بالك الإجتماع مغلق وسرى للغاية
يعني تقول للناس بتوعنا بس

بيزي بوي : بما انك مراقب عام اكيد تعرف الاجتماع ده بخصوص إيه

فارس الأحلام : أنا عن نفسى معرفش يظهر إنه توب سيكرت
الادمن حويط اوى
مش عايز حد من الأعضاء اياها وخصوصا بتوع السياسة يشم خبرعن الإجتماع ده

بيزي بوي : رقبتى ياريس

فى سكشن المديريتور الساعه 3 بدأ اجتماع مغلق وسرى للغاية بحضور جميع المديريتور والأعضاء المميزين فقط

الادمن : طبعا مستغربين أنا جمعتكم ليه النهارده ؟!!!

مصطفى (مقاطعا كلام الادمن) : انا مش مستغرب يا باشا
ها ها ها ها

الادمن : طلعوا الواااااد ده بره السكشن بسرعه

مصطفى : وعهد الله اخر مره يا فندم لو اتكررت تانى طلعنى

الادمن : اوووووووف ما علينا
الموضوع باختصار إن فيه معلومات وصلت للقيادة السياسية
إن المنتدى فيه عدد كبير من الأعضاء بيكتبوا ضد الحكومة
وان في ناس متنكرة من الاخوان بتكتب
ضد الريس نفسه وتوريث الحكم

الادمن ياخد شفطة من الفوار المهدئ للأعصاب ثم يكمل قائلا بتوتر :

وصلتنى معلومات مؤكدة إن مبارك
قرر يقوم بزيارة للمنتدى والتجول فيه بنفسه لمعرفة مدى صحة المعلومات دى
لازم نلم نفسنا بسرعة ونستعد للزيارة اللى غالبا حتكون الأسبوع اللى جاى

دودو : إحنا جاهزين يا بوص .. لازم نبتدى نلم كل التوبيكات اللى بتتكلم عن الريس ونحذفها

نايس جيرل : تمام ونخلى التوبيكات اللى بتقول كلام كويس عنه

منمونة : مفيش مواضيع كويسة عنه غير التوبيك بتاع جرجاوى
بعنوان (نعم وألف نعم يامبارك)

الادمن : مين جرجاوى ده

مصطفى : ده واحد بيبيع جرجير يا فندم
ها ها ها

الادمن : انت جاى هنا تهزر يا حبيبى
على جُـثتى لو كملت معانا الاجتماع
هاتولى دوا الضغط بسرعه

مصطفى : والله انا اسف يا فندم وربنا ما حتتكرر تانى

بيزي بوي يتوسل لـ الادمن : معلش يا ادمن اخر مره سامحه المسامح كريم

الادمن : استغفر الله العظيم
قولولى مين جرجاوى ده ؟؟

منمونة : ده عضو جديد وله ولاء شديد لمبارك

الادمن : عظيم كلموه يكتب كام توبيك زى ده ووفروله كل الإمكانيات اللى هيحتاجها

فارس الأحلام : إمكانيات زى إيه يعنى

الادمن : مساطر - برايات - اساتيك - اقلام .. كل حاجه كل حاجة

توتا : عايزين نستعد للموضوع ده بكل جدية ياجماعة
زيارة الريس للـ (الأصدقاء) شئ مش بسيط
خصوصا فى الظروف الدولية الحالية
متنسوش إن مصر دلوقتى بلد نووية يعنى الأنظار عليها
والسد العالى لو إنضرب الميه كلها هتروح على توشكى
والناس هتستخبى فى مترو الأنفاق

الادمن : مالك يا بودي إنت عيان ولا ايه
صحيح ما انت قاعد جمب مصطفى شكله بهت عليك

مصطفى : ماله مصطفى بقى يا فندم ما انا قاعد ساكت اهو

ايمي : لازم ياجماعة نحضر قصيدة نلقيها عند وصول السيد الرئيس

نايس جيرل : فكرة هايلة ..
الناس بدأ مخها يشتغل اهو ..
فى مين شعراء عندنا ؟!!!

مصطفى : ادينى فرصيتى يا فندم انا في الشعر مقولكش بص الحتة دي ...

الادمن (مقاطعا) : سكتوه بدل ما اسيب انا السكشن واطلع

فارس الأحلام : اهدى حبه يا درش الموضوع دخل في الجد

بيزي بوي : في عضو جديد اسمه مودي .. ياسلام عليه يا أدمن ،، أعجوبة !!
كاتب في البروفيل بتاعه انه بيحب التأليف
ده لو قلت له صباح الخير ممكن يروح هفك قصيدة ستين بيت
وما يخلصكش من إيده غير إنك تقول أنا جدع

نايس : أظن عيب أوى يا ابو حميد أبقى قاعد جنبك وتدور على شاعر يكتب القصيدة
أنا ليا حق عرب عندك .. وحياة طنط هايدي ما هنسهالك

بيزي بوي : بس إنت يا نايس يعنى ولا مؤاخذة ما بتحبش الكوسة
واللى جاى ده كوسة
واللى جابه كوسة
واللى جاب اللى جابه كوسة

نايس : معلش ياعم الضرورات تبيح المحظورات ..
قولولي إيه رأيكم فى الحتة دى ..

يا بلدنا يا مهلبية
يا حلوة يا مستوية
ومبارك خلاكى آية
حسنك مالوش نهاية

مصطفى : معلش يا نايس .. اتفضل إنت روح إستريح شوية ..
فى مين تانى شعراء عندنا ؟

الادمن: ما تيجى تعد مكانى احسن يا مصطفى مينفعش كده

مصطفى : ما يصحش والله يا فندم الكبير كبير
برضه بس لو انت متمسك برايك مفيش مانع اجى اعد مكانك

الادمن (متنرفزاا) : هاتولى كوبايه مايه جتكوا الغم
ْ


--
--
--
--
--

[ندعوك للتسجيل في المنتدى أو التعريف بنفسك لمعاينة هذه الصورة]

المديريتورز في صوت واحد :
أحنا موافقين على نايس لإلقاء قصيدة الترحيب بالريس
احنا نعرفه من زمان وبرضه اللي نعرفه احسن من اللي ما نعرفوش

الأدمن : ندخل على النقطة اللى بعدها فى جدول الأعمال

تنظيم موكب الريس

دودو : أنا رأيى نعمل سكشن جديد للاخر الاخبار العالمية
عشان موكب الريس يدخل منه
وموكب شوزان قصدى سوزان وجمال من مملكة الحب عشان اهدي اعصابهم عندي في القسم الأول
اظبتهم بطقم لمون وبتاع
أمـا أحمد نظيف فده نشوف اطول باب عندنا ايه وندخله منه

نايس جيرل : مش هنرش المنتدى يا بوص

الادمن : إيه المناسبة

نايس جيرل : مش جايز الريس يكون فى جيوبه جراد وأول مايدخل ينطرهم علينا
ويا سلام بقى لو فرختين عندهم انفلونزا الطيور
تبقى كملت

الادمن : إنتى مين يابنتى .. إنتى بقالك كتير معانا هنا

نونااا : فعلا الإحتياط واجب .. أول ماييجى ندلق عليه جردل فنيك

الادمن بيتكلم مع المراقب العام : أول ما الزيارة دى تتم على خير الطقم ده كله لازم يتغير

فارس الأحلام : هنجيب مين بس يا بوص
معاليك عارف اللي فيها
احنا سايت جديد ودي الناس المتاحة قدامنا

الادمن: أى حد إن شالله نجيب محترفين من انجولا زي الأهلي
عشان على 2010 يبقى السايت بتاعنا فوق الجميع

ايمي : طب بالنسبة للجماعة المشاغبين بتوع السياسة ...
هنسيبهم كده والريس جاى ؟؟؟
أنا رأيى إننا نطردهم مؤقتا لحد ما الزيارة تخلص وبعدين نردهم بدل ما يعملولنا قلق

الادمن : ونطردهم ليه .. مشيهم خالص

فارس الأحلام : مالوش لزوم نعمل طرد أو ندي إنذارات اليومين دول
وبالنسبة للناس دي
كان في واحد منهم كاتب توبيك ملوش لازمه أنا حذفته ..
رجعوه يتلهى فيه لحد ما الزيارة تنتهى
وبعدها إرموه هو والتوبيك بتاعه والناس اللي معاه فى الشارع

ودلوقتي تقدروا تتفضلوا هناخد بريك 30 دقيقة عشان اللي عايز ياكل ولا يخش الحمام
وبعدين نكمل الاجتماع


انتطرونا في الحلقة القادمة

:باى:

**********************

حلقه جميله اووووووي
تسلم ايدك
وفي انتظار الحلقات الاخري
تنزل بسرعه

:jnthjth:
:بثرقرقث:

جميله اوي
بجد نجنن
مرسي ليك

والله انت بتقول فيها
فعلا دة اللى بيحصل معايا ومع مصطفى
دايما منرفزنى ومعلى الضغط عليا
يالا ما علينا

بس بامانة تفكير روعة يا وليد
لك كل الاحترام والتقدير

:بثرقرقث:

حلقه جامده موت يا وليدمنتظرين باقى الحلقات
تقبل مرورى

نورتي اليوميات يا نونااا كالعادة
أشكرك على الرد والأهتمام

تسلم يا درش
وانت يا عم لا كنت خنيق ولا حاجة
الحوار كله تهريج
انت حبيبي يا درش زي مانت عارف

الحلقات كدة هتبقى الاثنين والخميس ان شاء الله

نورتني يا باشا
اشكرك على ردك واهتمامك المستمر يا برنس

نورتي اليوميات يا ضي القمر
اشكرك على الرد والاهتمام

???? ???????? ?? [ندعوك للتسجيل في المنتدى أو التعريف بنفسك لمعاينة هذا الرابط]
????? ?? ???? ??? ???? ?????????

ماعلينا
ههههههههههه

منورني دايما يا مديرنا
اشكرك على الرد والاهتمام

نورتي كالعادة يا tota
اشكرك على الرد والاهتمام

heart_love كتب:

ايوة كده ياوليد شوقنا كمان وكمان000خلينا نقول هوده الكلام
لقينا حاجة نقراها وكمان تمتعنا000ياريتك تستمر فيها
اللــــــــــــــــــــــــــــه ينـــــــــــــــــــــــــور عــــــــــــــليـــــــــــك
ومكنتش انا اقرا اللى بيكتبه ابني امال مين يهتم

ربنـــــــــــــــــا يبـــــــــــــــــــــــــــارك فــــــــــــــــيــــــــــــــــك

منورة اليوميات كالعادة يا امي
اشكرك جدااااا على الرد والاهتمام
وربنا يخليكي لينا ، وما يحرمناش من تشجيعك

yoya كتب:

بجد دمها خفيف موت وبجد انا زعلانه
انى ما تابعتش من اول يوم وقريتهم مره واحده
بس ده العادى بتاعك يا وليد
توبيك مفيش كلام ممكن يقول هوه قد ايه حلو
انا عاوزة كل يوم واحده بجد انا ما بطلتش ضحك والله

نورتي اليوميات يا yoya
اشكرك على الرد والاهتمام والتشجيع

منورة اليوميات كالعادة يا dodo
اشكرك على الرد والاهتمام والمتابعة المستمرة

saly كتب:

جميله اوي الحلقات
تسلم ايدك يا مان

نورتي اليوميات يا saly
اشكرك على الرد والاهتمام

الادمن مخاطبا المراقب العام أثناء البريك :

متنساش تجيب الديجيتال كاميرا العهدة بتاعة (الأصدقاء)
اللى بنصور بيها الأعضاء الجداد وش وقفا
وهما بيسجلوا عندنا هنا أول مرة يوم الزيارة
علشان تاخدولى كام صورة مع العيلة المالكة

فارس الأحلام : أمرك يابوص ..
وبالمناسبة يا ريس أقترح إننا كلنا نلبس بدل اسموكن سودا وبابيون أحمر

الأدمن : اعرض الفكرة بعد البريك وربنا يسهل يا بودي

الأدمن : اهلا بيكم يا جماعة
يارب تكونوا استريحتوا شوية عشان نعرف نفكر ونكمل كلام

هنتكلم بقى عن التنظيم
وبودي كان عنده اقتراح يا ريت نسمعه

فارس الأحلام : كنت بقترح ان كلنا نلبس بدل اسموكن سودا وبابيون أحمر

بيزي بوي : بس شكلنا كده حنبقى زى السفرجية يا كينج
أنا بقول يعنى بلاش نلتزم كلنا بنفس اللبس
يعنى اللى عايز ييجى ببدلة ييجى
واللى عايز ييجى بجينز وتى شيرت ييجى
وبالنسبة للبنات اللي عايزة تضرب فستان تضرب
واللي عايزة تيجي ببدي وبانتكور شغال برضه
وكده يعنى .. خلينا فريش

مصطفى : فكرة حلوة يا احمد بتاعة التى شيرت دى
إحنا نلبس كلنا تى شيرت واحد عليه صورة الادمن كرمز للـ (الأصدقاء)
وشورتات زى بتاعة الكشافة وجزم اديداس
وشرابات طويلة لغاية الركبة
ونشغل فى الخلفية أغنية شادية دى اللى بتقول
(غاب القمر يابن عمى يلا روحنى .. دى النسمة أخر الليل بتفوت وتجرحنى)
علشان الناس يعنى تعرف إن أنا والادمن صحاب اوى


الادمن: دراعى .. دراعى ..
يابنى انت عايز تشلنى اسيبلك (الأصدقاء) وامشى يا مصطفى
لو ده اللى يريحك اسيبلهالك كلها وامشى

مصطفى : تمشى تروح فين بس يا ادمن الساعه داخلة على 5 بعدين حد يخطفك

الادمن : هاتولى دوا السكر بسرعه وكوبايه مايه

مصطفى : طيب خلينا في موضوع الشورتات اللى كلمتك فيه ده
والاغنيه بتاعت غاب القمر

ايمي : ياعم شورتات إيه بس وغاب القمر إيه
أهم حاجة نلبس كلنا نضارات سودا ونحط سماعات فى ودانا
ونقعد نتلفت حوالينا وورانا ونبص لبعض كل شوية نظرات غريبة ومريبة فى نفس الوقت
زى ما الحرس الخصوصى بتوع الريس بيعملوا
ولازم نبقى على إتصال مع بعض باللاسلكى أثناء الزيارة
مهم جدا اللاسلكى ده علشان ننبه بعض لو عضو من إياهم حاول التسلل أثناء الزيارة

الادمن : مين اللى ماسك عندنا سكشن الاسلكى والستلايت يا بودي

فارس الأحلام هامسا في أذن الأدمن : احنا ما عندناش سكشن ساتلايت ولاسلكي يا كبير
عندنا قسم واحد بتاع البرامج الكاملة ولسة مش لاقينله موديريتور

الأدمن هامسا أيضا : ابقى فكرني اغيرك في حركة التغيير الجاية يا بودي يا حبيبي

الادمن : طيب يا جماعة عندنا سكشن للبرامج الكاملة
وانا قررت من دقيقة واحدة بس اننا نزود ليه تخصص كمان في الساتلايت
وهنعين العضو الجديد ماتريكس مشرف عليه
من اسمه كدة باين عليه بتاع قلق وحركات
موافقون ، شكلكوا موافقون
خلاص تمام

الأدمن هامسا مرة اخرى في أذن المراقب العام :
حليتلك مشكلتك اهو عشان ما يبقاش ليك حجة
تعدي على ماتريكس بقى وتقوله الادمن بيقولك اتشقلب وظبتلنا كام حتة لاسلكي
وفهمه الليلة ماشية ازاي بقى
على الله تشتغلوا بقى الله يحرقكوا

الادمن : هدووووء .. يا جماعة نكمل لو سمحتوا ..

دودو : يا جماعه لازم نحبس الأعضاء أثناء الزيارة اللى إحنا متأكدين من عدم ولائهم للريس
المشكلة إننا لو عملنا كده مش حيتبقى غير تلاته أربعة
ومش حنعرف نجيب أعضاء نوقفهم قدام أبواب المنتدى
علشان يهتفوا ويرحبوا بالموكب

فارس الأحلام : مش مشكلة نجيب كومبرس على إنهم الأعضاء
كمان هيلزمنا حتتين سلاح
لازم أوصل البلد عندنا أشترى كام فردة واجيب أنفار

نونااا : واجب كمان نجيب شوية بمب وبالونات وصواريخ عشان نحتفل بالموكب ساعة وصوله
واذا كان مافيش سيولة مادية
انا ممكن اتبرع بالحاجات اللي جاتلي امبارح في عيد ميلادي

توتا : نسينا كمان نعمل قسم جديد فى المنتدى نسميه (المستقبل)
علشان جمال مبارك يفتتحه
ولازم كمان نحط شريط سوليفان على كل باب من أبواب (الأصدقاء)
علشان مبارك وسوزان وجمال يقصوهم
لازم ياجماعة كل واحد يقص له شريط على الأقل ..
ولو إتبقت شرايط بعد كده أقصهم أنا

تعالت أصوات المديريتور إحتجاجا على رغبة توتا في قص ما تبقى من شرائط

دودو : وليه مقصهمش أنا

فارس الأحلام : محدش حيقص غيرى

مصطفى : طب يمين على يمينك محد هيقص الشرايط دي إلا أنا

ثم تنتابه نوبة من البكاء الشديد وتدور الدنيا به
وتظهر أمام عينيه دوامات كأنه يتذكر أيام الطفولة والماضى المنيل بنيله

يتمدد مصطفى على الأرض ويتجمع المديريتورز من حوله
ويهتف الجميع في صوت واحد :
حد يشوف دكتور
دكتور يا اخوانا
حد يجيبلنا نوركس
هيا مش دكتورة برضه
الحقوا الواد يا جماعة

تيجي نوركس على ملى وشها
وتقوم بعمل تدليك سريع للقلب لحد مافاق مصطفى وبدأ يروى لهم قصته مع الإشراف

مصطفى : زمان وانا عمرى 7 سنين كنت بروح مع أبويا الدكان كل يوم جمعة بعد الصلاة
كان عندنا محل أقمشة
وكانت متعتى إنى أشوف العامل اللى فى المحل وهوه بيقص القماش للزباين
كان عنده مقص كبير اوى طوله يجى نص متر
مره سهيته وخدت المقص وخبيته فى جيب القميص بتاعى
لكن أبويا شافه ونزل فيا ضرب بالإقلام والشلاليت وإنضم له كل العمال فى الدكان
لحد ما سخسخت من ساعتها وأنا أى حاجة بشوفها ببقى عايز أقصها

الادمن : ربنا يكون في عونك يا مصطفى يا حبيبي
ده انت محتاج دكتور نفساني يا ابني
طيب يا جماعة ماعلينا من قصة مصطفى المأساوية دلوقتي
مش وقت عواطف مايعة ..

--
--
--
--

الأدمن : ندخل فى البند اللى بعده

المأكولات والمشروبات
ممكن أسمع أرائكم ؟

بيزي بوي : بـــس أنا جتلي فكرة جهنمية
منها نعمل حاجة تشرفنا قدام الناس دي ومنها نوفر

نايس جيرل : قول يا أخ أحمد إحنا سامعين

بيزي بوي : أنا انزل السوق أشترى كرمباية على 2 ك بتنجان أبيض
وحزمة ملوخية خضرا و 4 ك لحمة ضاني
ونخلى دودو و توتا و نونااا وبقيت البنات يعملوا حلتين محشي و ملوخية
وناكل كلنا ونهيص والريس برضه ياكل ويهيص
والله الأكلة دي أنا فكرت فيها وتوصلت ليها من شكل أحمد نظيف

فارس الأحلام : ممكن يا اخ أحمد تطلع بره شويه وها نندهلك لما نخلص

بيزي بوي : حاضر .. بس ليه يا كينج ؟

الادمن : يا اخ أحمد بنقولك ريس ووزرا ومرات الريس وولاد الريس
تقولنا محشي ، يا اخي عيب الكلام ده منك
هـــــا يا سادة انا عايز مشاركين لا متفرجين

منمونة : بس وجدتها ..
إحنا نعمل علب وجبات وكل وجبة فيها سندوتشين جبنة رومي وحتة جاتوة

دودو : إيه نظام الأفراح البلدي ده ؟
عايزين أفكار محترمة يا أخوانا

نايس جيرل : انا بأقترح المنيو الآتية :
المين كورس يبقى بيكاتا بالشامبينيون
مع كريب جورجيت وتشيكن آلاموند
والحلو يبقى ام علي بالمسطردة

فارس الأحلام : يا نايس هانم الناس اللي جايه دول مصريين
ولازم نعمل لهم حاجة يفهموها عشان ياكلوها .. خلص الكلام

نوركس : ادمن .. ادمن .. ممكن أقول رأيي ؟

الادمن : أيوه وماله من حقك
انتي لسة عاملة عمل بطولي مع مصطفى من شوية
ربنا يسامحك بقى فوقتيه تاني
بس برضه ما نقدرش ننكر فضلك

نوركس : زي مانتوا عارفين أنا دكتورة بيطرية
وعندي مزرعة في الكيلو 36
وانا مربيه هناك كام دكر بط على فرختين عتاقي
فأنا بأقترح إننا ندبح البط ده جنب الفراخ
مع شوية برتقان بصرة من بتوع المزرعة ونمشي الليلة

فارس الأحلام : والله شكلكوا هاتكسفونا مع المحشي والبط والكلام ده
والريس هايجي يقفل (الأصدقاء) بسببكم
يا جماعة الناس اللي جايه فيهم ناس كبيرة في السن
يعني بالتأكيد عندهم السكر والضغط والكوليسترول والكلام ده
عايزين حاجات خفيفة وصحية
وعلى رأي المثل "صحي ومفيد"

الأدمن : شكرا يا سادة ..
بعد ما أستمعنا إلى جميع الآراء بشكل ديمقراطي ..
احب أقوللكم إن انا قررت من الاول إننا نتصل بمطعم مكسيم
عشان يبعت لنا وجبات جاهزة وتبقى حاجة محترمة قدام الريس

مصطفى مستفيقا من نوبته : يحيا العدل هي دي الديمقراطية الله ينور عليك ..
بس عدم اللامؤخذه إنتوا كنتوا جايبنا ليه وسمعتوا أرئنا ليه ؟

الأدمن : ممكن تسكت ؟

مصطفى : حاضر ياعم .. حاضر ياخويا .. مكسيم مكسيم ..
أهو برضه أحسن من مطعم أخر ساعة اللي جنب الجامعة العمالية

بيزي بوي : بس يا بودي ماتنساش تزود الوجبات عشان الاعضاء

فارس الأحلام : اعضاء مين يا أحمد اللي هايكلوا من مكسيم ؟
يا عم دول هانجيب لهم ساندوتشات فول وطعميه وحتتين طرشي وأقلب
قال نأكلهم من مكسيم قال .. والله عال ..
ناقص تقولي كمان ييجوا يسلموا على الريس ويتصوروا معاه

الادمن : ننتقل للبند اللي بعده

المشروبات

ولو سمحتوا اللي اشاور عليه هو بس اللي يتكلم مش عايزين فضايح
أيوه أتفضل يا اخ أحمد مع إنك مش مسموحلك بالكلام
إلا بعد ما تقضي 6 شهور إشراف شاق مع الشغل

لكن زي بعضه إنطلاقا من تعميق تجربة الديمقراطية
وكــنفحة من عطفي ونبذة من حبي
وحتة من حناني
هاسيبك تتكلم بس إوعى تعك

بيزي بوي : ربنا يخليك لنا يا بوص ده أحنا من غيرك ولا حاجة وناقصنا كام مليون حاجة

مصطفى : هايشتغل بقى في الاغاني الحمضانة بتاعت شادية ومصر اليوم في عيد
الشغل ده أنا عارفه

الادمن : مش انا قولت ماحدش يتكلم إلا اللي أشاور عليه ..
قول يا أحمد .. قول يا حبيبي

بيزي بوي : إحنا نجيب قزازتين نبيذ احمر يا كينج
وكل واحد ياخد له بؤ عشان يفتح نفسه وياكل بمزاج

الادمن : خيبك الله !!! خسئت وخسئت أفكارك ..
خمر ؟ منكر ؟
إنت عايز الناس تسكر وتقوم تدور الضرب في بعض
وبعدين إحنا مستمحلينهم وهما فايقين لما نستحملهم وهما سكرانين
بلاش كلام فارغ .. إتقى الله يا اخي .. ده أنا لسه راجع من العمره ..
اعوذ بالله .. اعوذ بالله

بيزي بوي : إيه يا فندم منكر إيه وخمر إيه ؟ بالراحة علينا شوية
انا قصدي عصير عنب وأنا اللي هاعصره بإيدي كمان

فارس الأحلام : خلاص خلاص ..
انا قررت انا و الادمن أساسا إننا نقدملهم يانسون

نونااا : برافو عليك ..
أنا بحب جدا الحاجات النيتشورال اللي زي دي

الأدمن : ونبي ما هي ناقصة فزلكة يا ست نونااا
بلا نيتشورال بلا مرقعة فارغة
متقولي طبيعية .. انا ناقصك
اقولكم .. كفاية على الاجتماع ده كدة انهاردة
يالا اتفضلوا..


مصطفى : ممكن اتكلم بقى ولا أروح ؟ أنا معاك يا كينج في فكرة اليانسون والمهدئات دي ..
يا جماعه انا معاكوا هنا ف الاجتماع
طب حد يرد عليا طيب طب انتوا ماشين ورايحين على فين
ايه الظلم ده
لأ لأ والنبى محدش يطفى النور انا بخاف



انتظرونا في الحلقة القادمة

:باى:


*******************