يوميات مديريتور (MoDeRaToR) - الحلقة السادسة

** يوميات موديريتور **
MoDeRaToR
-------------------





أهلا بكل أعضاء الأصدقاء
اهلا بكم جميعا



[ندعوك للتسجيل في المنتدى أو التعريف بنفسك لمعاينة هذه الصورة]



موضوعنا انهاردة بيحكي عن يوميات المشرفين في المنتديات
واللي كتب اليوميات دي شاب مصري خفيف الظل وصاحب روح مرحة جدا
هتبان في جميع حلقات اليوميات

احنا جبنا اليوميات دي
وحطينا عليها بعض التعديلات عشان تلائم المنتدى بتاعنا

اليوميات عبارة عن حلقات كلها ساخرة من حاجات معينة بتحصل في المنتديات
وان شاء الله تتبسطوا بيها وتساعد على ادخال جو من المرح في المنتدى
والقصد كله في الاول والآخر اننا نضحك مع بعض شوية

وعشان كدة قبل ما ابدأ في كتابة الحلقات هطلب من كل الأصدقاء
ان ما حدش يزعل او ياخد اي كلام هيجي في اليوميات دي على انه بجد

سيتم كتابة الحلقات بداية من الحلقة الأولى وبناء على اقبال الأعضاء وردودهم
هنبدأ نحدد موعد منتظم لكل حلقة
وعشان كدة التفاعل مع الموضوع هو اللي هيحدد استمرار الحلقات من عدمها




تقبلوا كامل تحياتي
:bfbfb:


والى
الحلقة الأولى
-
-
-
-

** يوميات مديريتور **
MoDeRaToR
--------------------

[ندعوك للتسجيل في المنتدى أو التعريف بنفسك لمعاينة هذه الصورة]


الحلقة الأولى
(1)
----------



المديريتور اول ما قام من النوم الساعة 3 العصر لانه كان سهران على النت لحد الساعة 8 الصبح
لقى الموبايل بتاعه بيرن

فلقى الادمن بتاع المنتدى بيتصل بيه ، ودار بينهم الحوار التالي :

المديرتور "في سره" : (اصطبحنا واصبح الملك لله)
صباح الخير يا فندم

الادمن : خير هييجى منين الخير ياسى زفت
انت سايب قسمك ونايم الله يخرب بيت اللى شار عليا انى امسكك إشراف انت متنفعش حتى تبقى عضو موقوف

المديرتور : ليه بس يا فندم ده انا حتى مغسلتش وشى ودخلت على طول على المنتدى

الادمن : لا ياخويا اغسل وشك عشان تعرف تشوف المصايب اللي في قسمك وده اخر انذار ليك

وانتهت المكالمه والمديرتور طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه

دخل المديريتور على الرسايل الخاصه بتاعته بقى لقى (11) رسالة جديدة


الرسالة الأولى

حبيب هارتى ..
بقولك أنا ضفت توبيك بس معرفش شكله نزل ثلاث مرات بالغلط أحذف اتنين منهم وسيب اللي يعجبك


الرسالة الثانية

ايه يا ناااو ..
بقولك شوف في عضو قاعدلي كل توبيك يرد عليا ويهيني قدام الأعضاء ..
لو ما سكتوش هعمل حاجه محصلتش ..
واقلبلكم المنتدى ..
وقد اعذر من بنجر ..


الرسالة الثالثة

يااا أبو اليالى يا غالى ألحقني ..
كل ما أدخل المنتدى يطلعني بره ..
ومش راضي يدخلني ايه الحكاية شكلها كدة الدخول بفلوس ..


الرسالة الرابعة

بليييييز ...
ممكن لو سمحت تعدل اسمي من الحلوة سوزي الى ملكة جمال منتدى الأصدقاء

المديرتور "بينه وبين نفسه" : مصدقة نفسها باين


الرسالة الخامسة

هاي عمري ..
يارب تكون مبسوط ..
بصراحة شخصيتك عاجباني ولك هيببة في المنتدى بس ياريت يعني اذا عملت توبيك ثبتلهولي ..
على فكرة انا زعلانة عشان محدش بيثبتلي التوبيكات بتاعتى

المديريتور "في سره" : وانا مال اهلى انا محدش بيثبتلك مواضيعك متتحرقى انتى والمنتدى


الرسالة السادسة

ياعم هقولك على حاجة ..
مش هسلم عليك ولا حاجة انت أصلاُ ماتستاهلش كل ما اعمل توبيك تحذفهولي ..
عجيبة والله ..


الرسالة السابعة

مساك زي الفل يا سوبر ستار المنتدى ..
بصراحة انا مكسوف منك عايز أطلب طلب بسيط ..
يعني كنت عايز اعرف ازاي المديرتور بيتعامل مع التوبيكات و ايه الطريقة اللي بيتناول بيها المواضيع

المديريتور : يعني بالعربي الفصيح .. عايز الباسوورد بتاعتك اذا تكرمت
(ماهو دا اللى ناقص)


الرسالة الثامنة

يا اخي انت زودتها ..
شايف نفسك علينا وكل مانكلمك ما تديناش وش ..
ياخي المديرتور مش يعني بقيت ملك ..
اختشي على دمك بقى .. قال مديرتور قاال ..
انت أصلاً خدام عندنا يعني تخدمنا .. اقولك : روح هاتلي واحد شاااي

المديريتور : صحيح الى ميعرفش يقول عدس (اللهم طولك يا روح)


الرسالة التاسعة

حبيب قلبى ..
ازيك يا حبي ..
عرفتني ؟؟ أنا أمورة .. واحشني اوي ... اقولك كلمني على الياهو ضروري ..
بااااااااااي

المديرتور : والله وبدأت تضحكلك يا معلم (الصنارة غمزت)


الرسالة العاشرة

(من السوبر مديرتور)
السلام عليكم ..أخي ..
الاحظ كثرة الشكاوي من الأعضاء وكثرة المشاكل في قسمك أرجوا تهدئة الأمور بأسرع وقت ..
وان تفعل أي شي لمصلحة المنتدى ..
وشكرا ..


الرساله الحادى عشر

لو سمحت والنبى يا سعاده الباشا ..
فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

المديريتور : كدة عيني عينك
( ليه يعنى قالولك عليا فاتحها عالم سمسم بوزع ايميلات )

-----------------------

بعدها الحمد لله المديرتور اتجنن




انتظرونا في الحلقة القادمة

:باى:

**************************

ياااااااااااه يترى الحلقه الجايه حتيجي قبل الغده ولا بعد الغده
مش عارف ساعتها هكون فاضي ولا لأ
مكوووووور يا Desperado على البنامج الجامد ده
هو بيجي الساعة كام؟؟؟
: DS F G:

والله جامدة يا ليدا
حلوة اوى الحوارات اللى بنهم
والرسايل دى
الحق الغى موضوع الرسايل من المنتدى بقى
قبل ميحصلى كدة
هههههههه

استمر

:بثرقرقث:

الحلقة الجاية يا jocky هتبقى السنة الجاية بعد صلاة الجمعة ان شاء الله
قبل الغدا اهو يا معلم
فضي نفسك بقى مالكش حجة

نورت اليوميات
اشكرك على الرد والاهتمام

اي خدمة يا درش
امال انت مفكر ايه
انت بس اللي بعمل مفاجآت
لا احنا جامدين اوي بالصلاة ع النبي
ومش عايز برشطة من حد
ادونا فرصتنا بقى يا اخي

هههههههههههههه

نورت اليوميات يا معلم
اشكرك على الرد والاهتمام

متخافش يا برنس
احنا منتدانا اكبر من الكلام ده
ومتخافش الحلقات الجاية ماعتش فيها رسايل

كله تحت السيطرة يا معلم
اهم حاجة انت تحمينا بس يا مديرنا
:lol!:

نوت اليوميات يا أدمن
اشكر معاليك على الرد والاهتمام :P

توبيك جامد موت بجد وتسلم ايديك ومنتظرين حلقاتك

نورتي اليوميات يا tota
ان شاء الله نكمل الحلقات
بس انا مش شايف ناس كتير متابعة

أشكرك على الرد والإهتمام

لا كمل انت بس احنا منتظرين بقيت الحلقاات
وفى ناس كتيير مهتمه
منتظرين الحلقااات

** يوميات مديريتور **
MoDeRaToR
--------------------


[ندعوك للتسجيل في المنتدى أو التعريف بنفسك لمعاينة هذه الصورة]


الحلقة الثانية
(2)
"الإجتماع اليومي"
----------

شخصيات الحلقة :

سفير الغرام ----> الأدمن
مصطفى حمدي ----> نائب المدير
فارس الأحلام ----> المراقب العام
دودو ----> مشرفة
توتا ----> مشرفة
نونااا ----> عضوة
بيزي بوي ----> عضو
ايمي ----> عضوة
منمونة ----> عضوة
----------------------------

في الإجتماع اليومي للمشرفين والأعضاء البارزين ...

الادمن (سفير الغرام) : ياجماعة أنا عايزكم تفتحوا عينيكم وتراقبوا الناس كويس ..
الفترة دى حرجة وحساسة فى تاريخ المواطنة داخل حدود (السايت) ..
وعايزكم كمان تخزقوا عينين أى واحد يقول على المكان ده (منتدى) ..
المكان ده إسمه الأصدقاء
دلوقتى تقدروا تتفضلوا على مكاتبكم جتكوا الغم ..

مصطفى حمدي (نائب المدير) هامسا فى أذن فارس الأحلام (المراقب العام) :
إيه العبارة .. مال البيج بوس كارف علينا كده ليه ..
للى يسمعه يفتكر إننا بنعبى فى فلوس من ورا الشغلانة دى ..
نا الشغلانة دى لولا إنها عاملالى بريستيج ولا كنت قبلتها ..
نت عارف إنى كان نفسى من زمان أبقى مشرف إن شالله حتى على دورة ميه

فارس الأحلام : عارف يا مصطفى أنا زيك بالظبط ..
إنت عارف إنى كان نفسى أدخل كلية الشرطة عشان تبقى فى إيدى سلطة بس مكنتش حتقبل فى الشرطة عشان عندى تقوس فى الساقين

توتا : ممكن نبطل رغى شوية ونشتغل شويتين ..
الجدع اللى كاتب موضوع (إيه الفايدة من ورا المنتدى) ده عايزين نحول أوراقه لفضيلة المفتى

مصطفى : هوه المفتى فاضى لنا يا توتا
المفتى بيحضر من دلوقتى علشان هلال شهر رمضان ..
إنتى عارفه إن فيه فرق يوم بينا وبين السعودية من السنة اللي فاتت ..
إحنا نصفى الجدع ده من سكات .. فى العزومة الجاية فى المول ، نأجرله اتنين راكبين موتوسيكلات ونجيبلهم حتتين سلاح ..
وأول ما يشوفوه داخل المول يصفوه ويهربوا

بيزي بوي : وأنا عليا هجيب لكم صورته ..
هخترق جهاز الكمبيوتر بتاعه وأدعبس فيه على صورة له يكون مخزنها على الجهاز
او اعمل سيرش على اسمه في الفيس بوك

دودو : أنا ضد التصفية الجسدية ..
إحنا نعمل معاه زى ما عملوا مع صدام حسين ..
يعنى وهوه رايح على المول نخطفه فى عربية ونطلع بيه عالطريق الصحراوى ..
ياخد اللى فيه النصيب ولا من شاف ولا من درى

بعدها بكام يووووم !!!

نونااا : تعالوا بسرعة .. الحقونى .. شوفتوا الموضوع ده

يجتمع المديريتور حول نونااا فى فزع متسائلين (موضوع إيه ؟؟)

نونااا : ده موضوع مكتوب فى صفحة الحوادث فى أخبار اليوم مش هنا فى المنتدى ..
قصدي الأصدقاء سوري يا جماعة زلة لسان

توتا : ممكن تتكلمي علطول ... أقصر الطرق إلى الحقيقة هى الطريق المستقيم

مصطفى : لا وانتي الصادقة قصدك أقصر الطرق إلى السجن

ينتزع فارس الأحلام الجريدة بشده من يد نونااا قائلا :
يا شيخة إنطقي إحنا ناقصينك

يقرأ فارس الأحلام المكتوب فى الجريدة بصوت مرتفع :
مقتل عاملة نظافه بالمول .. مسلحان يطلقان النار عليها ويلوزان بالفرار على موتوسيكلات ..
النيابة تعد بفك غموض الجريمة خلال ساعات

بيزي بوي : يعنى بدل ما نصفى الجدع بتاع (إيه فايدة الكتابة فى المنتدى) قتلنا الولية الغلبانة دى

فارس الأحلام : مش تركز يا بيزي .. إنت مش قلت هتخترق الجهاز بتاعه وتجيب صورته ؟؟؟
الصورة اللى إنت إديتها للعيال اللي اجرناهم نسخة منها كانت صورة الست دى ..

مصطفى : شئ غريب فعلا دى شبهه تمام
بس إيه اللى جاب صورتها على الجهاز بتاعه ..
لازم ألاقى حل للغز ده

الأدمن: لغز إيه وهباب إيه .. الله يخرب بيوتكم ..
ده أنا لو معين ( تيييييييييييت ) بدالكم كانوا عملوا شغل أنضف من كده ..
إنتم إيه مشرفين ولا متفرجين

إيمي : ياجماعة بيزي بوي مالهوش فى إختراق الأجهزة ..
أنا رأيى نجند منمونة صاحبتي وحبيبتي وانا أثق فيها مقابل مكافأة شهرية..
وخبرتها كويسة فى المسائل دى ، وممكن نخلي مصطفى يساعدها لو احتاجت حاجة

دودو : بلاش مصطفى .. لو خد جوز اقلام فى القسم هيعترف علينا كلنا

مصطفى : لا حول ولا قوة إلا بالله .. ده أنا عملت فيها رامبو يوم الحادثة وأول ما شفت الوليه داخلة المول ..
غنيت نشيد الولاء بتاع المنتدى وركعت على ركبى فى وضع الإستنفار

توتا : بالمناسبة إيه نشيد الولاء ده يا مصطفى

مصطفى : ماما زمانها جايه .. جايه بعد شويه .. جايبه لعب وحاجات



انتظرونا في الحلقة القادمة

:باى:

****************

ايه يا وليد دة انت مطلعنى شرير كدة ليه
دنا غلبااااااااااااان
ههههههه

كمل يا مان
وياريت محدش يزعل من اى حاجة
دى كلها حاجة تطلعنا من الجو اللى احنا فيه
وعمرنا منقصد اى حاجة

وفقك الله يا ليدا

نهايتنا شكلها كدة ابو زعبل وبئس المصير من غير مقاطعة
ههههههههه
بس انا طيبة علي فكرة يا وليد
يلا امرنا لله

هنظبطك في المول الرئيسي للمنتدي بس لما نشوفك
مصطفي جبلنا صورته انت بدل بيزي بوي ولا اقولك بلاش لحسن
تعترف علينا خليك انت وتوتا هتجبلنا الصورة
وانا بقة اللي هظبطك زي عمك صدام كدة

ههههههههه
جامدة يا وليد والله
تسلم ايدك
يلا كمل واحنا معاك وانا هسن سناني وجيالك في الحلقة الجاية
:مبارزة:

مصطفى حمدى كتب:

هههههههههههههههههههههههه

ايوه عليك يا معلم والله انت جامد

بجد باقى الأعضاء لو مش خشوا هيخسروا أوى

يكفيني انك معايا يا درش ومتابعني
انت لوحدك تنور اليوميات يا معلم
وما نتحرمش من الاعلان



اشكرك يابرنس على الرد والإهتمام

سفير الغرام كتب:

ايه يا وليد دة انت مطلعنى شرير كدة ليه
دنا غلبااااااااااااان
ههههههه

كمل يا مان
وياريت محدش يزعل من اى حاجة
دى كلها حاجة تطلعنا من الجو اللى احنا فيه
وعمرنا منقصد اى حاجة

وفقك الله يا ليدا

انت لسة شوفت حاجة يا عمنا
ده لسة الحلقات الجاية هيبان الشر على حق
:lol!:

انا قولت من الاول خالص ان الموضوع
Just for fun
ففعلا ياريت ماحدش يزعل

نورت اليوميات كالعادة يا أدمن
اشكرك على الرد والاهتمام يا حبيبي

heart_love كتب:

ايه ياوليد كل ده بصراحة 000انت شوقتنا علشان نعرف ايه باقى الحكاية
باين عليها النهاية فى اللومان000يالله ربنا معاهم وادي جزاة اللى ميسمعش
كلمة ماما تقولها 000العيال دي ناوية على ايه بالضبط ربنا يستر

بجد ياوليد حكاية جميلة ياريتك تستمر
شوقتنا يااخي عايزين نعرف نهايتهم ايه

يااااااااااااااااااااه
والله يا امنا انتي نورتي اليوميات
ورأيك ده اكبر تشجيع ليا على اني اكمل
لو ماحدش هيقرا اليوميات غيرك
بجد ماكنتش متوقع ان الموضوع يلفت نظرك اصلا
ربنا يخليكي لينا

ودايما منورانا كدة يا ست الكل
اشكرك على الرد والاهتمام

dodo كتب:

نهايتنا شكلها كدة ابو زعبل وبئس المصير من غير مقاطعة
ههههههههه
بس انا طيبة علي فكرة يا وليد
يلا امرنا لله

هنظبطك في المول الرئيسي للمنتدي بس لما نشوفك
مصطفي جبلنا صورته انت بدل بيزي بوي ولا اقولك بلاش لحسن
تعترف علينا خليك انت وتوتا هتجبلنا الصورة
وانا بقة اللي هظبطك زي عمك صدام كدة

ههههههههه
جامدة يا وليد والله
تسلم ايدك
يلا كمل واحنا معاك وانا هسن سناني وجيالك في الحلقة الجاية
:مبارزة:

هههههههههههههههههههههههههههه
احنا ماعندناش حد طيب في اليوميات دي

:lol!:

نورتي اليوميات يا دودو
اشكرك على الرد والاهتمام

بجد الحلقات تجنن يا وليد
وانا هروح اسن سنانى مع دودو وجيالكم فىالحلقه الجايه
....
بجد حلقات حلوه مووووووت منتظرين باقى الحلقات
تقبل مرورى يا جميل

tota كتب:

بجد الحلقات تجنن يا وليد
وانا هروح اسن سنانى مع دودو وجيالكم فىالحلقه الجايه
....
بجد حلقات حلوه مووووووت منتظرين باقى الحلقات
تقبل مرورى يا جميل

نورتي اليوميات يا tota
ودي طبعا مش اول مرة
انتي منوارنا من اول حلقة

الكل يجهز نفسه عشان مفاجأة الحلقة الجاية
اللي عايز يسن سنانه بقى
اللي عايز يبلغ عني
اي حاجة
ههههههههههههه
:lol!:

اشكرك على الرد ولالاهتمام

الحلقات جميله اووووووووووووي

تسلم ايدك


يالا عاوزين الحلقه القادمه بسرعه


مشكور علي الحلقات الجميله ده يا وليد
في تقدم مستمر وبالتوفيق

:jt6jtjj:

نوناااا كتب:

الحلقات جميله اووووووووووووي

تسلم ايدك


يالا عاوزين الحلقه القادمه بسرعه


مشكور علي الحلقات الجميله ده يا وليد
في تقدم مستمر وبالتوفيق

:jt6jtjj:

نورتي اليوميات يا نونااا
ياريت تفضلي متابعة معانا
اشكرك على الرد والإهتمام